Hafoin tinan 13(sanulu resin tolu) nian laran ita acompanha desenvolvimento futebola iha ita nia rai laran(Timor-Leste) halo ita contente tamba iha sucessu balu ke ita rasik atinji hanesan ita hare jogador original Timor-oan duni sub-19 consegue tama to’o final Taxa AFF, nune mos halo ita triste tamba mosu kazu barak iha Estrutura Executive FFTL nia laran no uza naturalisasi la tuir Lei Nasionalidade, maske ita le ona noticias barak hosi Executivo FFTL liu hosi Secretario Geral FFTL senhor Amandio nebe sempre hateten katak la iha indikasaun korupsaun ka nepotismo ih FFTL nian laran maibe realidade hatudu oin seluk iha public nia oin.

Hahu hosi 2004 wainhira ekipa nasional ba joga ih torneiro Taxa Tiger Cup to’o ohin loron estrutura Executive FFTL sei lao nafatin ho gestaun nebe hanesan tuir Presidente Francisco Kalbuady nia liafuan dihan; “ema preciza osan hodi hadia moris”, tan deit ema preciza osan hodi hadia moris ne’e mak mosu tan naturalisasi nebe diskrimina jogador Timor oan original em termos financamento ba jogadores sira no halo jogador Timor-Oan sai Vitima.

Tuir Sekretario Geral FFTL nian katak tamba ita labele halo kompetesaun ne’e mak ita uza naturalisasi para Timor-Leste bele compete ho nasaun seluk nebe Timor-Leste hasoru. Questaun laos ita labele maibe Ita labele no lahatene gere instituisaun futebola ne’e ho diak, iha potensialidade boot ba investimento ba talenta futebola nian maibe laiha kompetisaun ida oinsa mak ita bele hetan fini Jogador rai laran. Resultado ceda mak ita hetan hosi naturalisasi? Resultado saida mak Sub 19 hatudu ba Mundo tomak wainhira tama final Indonesia.

Executivo balun halo link ho Clubu Indonesia halo negosio Jogador Brazilheiro hodi benefisia sira nia moris, hanesan tuir informasaun katak Jogador Brazelheiro ida naran Diogo joga iha Timor-Leste hosi klubu DILI UNITED. Tebes ka? Existe tournament liga ida Timor-Leste? Dili United ne’e se nia klubu?

Existe naturalisasi iha mundo maibe tuir regras no lei nebe iha no sai ona estandar ida nebe nasaun hotu adopta katak;

“Ema jogador ida nebe hakarak sai cidadaun iha rai ida, nia tenki joga iha kampionatu iha rai laran ne’e minimum tenki 2(tinan rua), hela/Domisili iha rai ne’e/Timor-Leste, no sempre selu taxa ba estado liu hosi hosi kontratu jogador ne’e halo ho Klubu nebe jogador ne’e joga ba, Hafoin kompleta tiha tinan rua jogador nebe refere bele hatama ona aplikasaun ba estado refere katak; hakarak sai cidadaun rai ne’e/Timor-Leste hodi joga defende rai ida ne ka Timor-Leste”.

Maibe se ita hare fali mos ba Lei Nacionalidade iha artigo 12 ho 13 konstintuisaun RDTL nebe koalia kona ba naturilisasaun No.1 alinea (a) to’o (f) ho aliena 2 mos la fo dalan ba lori jogador rai liur iha tempo badak sai jogador ekipa nasional Timor-Leste nian. Nune mos iha artigo 13 Lei Nacionalidade nebe koalia kona ba “Naturilizacao por altos relevantes services”, ida katak parlemento nasional mak iha poder ba ida ne’e ; O parlemento nacional pode conceder a nacionalidade timorense ao cidadao estrangeiro que tenha prestado altos e relevante services ao pais.

Alende konstituisaun RDTL rasik, hanesan membro FIFA nian Lideranca FFTL komite iregularidade hasoru statuto FIFA nian rasik kona ba Naturalizasaun. Tamba laiha diferensa ida entre Lei Naturalisasi Rai ho FIFA nian.

Saida mak akontece agora iha Estrutura Executivo FFTL kona ba jogador naturalisasi ne’e mak mak deskonfia NEGOCIA ILLEGAL sai agente ida nebe para atu hetan benefisio iha executive FFTL sira nia morisn liu hosi falsifika dokumentos hodi hetan pasporte RDTL ba jogador Brazilheiro nain hira nebe joga ih ekipa nasional no agora joga ba klubu Indonesia nian. Ida insultu boot ida hasoru ita nia Konstituisaun RDTL.

Hakerek nain ba artigo ne’e mos aceita katak; existe naturalizasaun i bele acontece iha ita nia rain maibe preciza halo tuir regras no standar lei nebe regula iha rai. Atu nune la bele iha impactu ladiak ba ita nia konstituisaun rasik no labele mosu diskriminasaun financiamento entre jogador naturalizasaun ho jogador original Timor Oan hanesan foin lalais acontece jogador brazilheiro sira simu $2500 dolares americanu jogador original Timor Oan simu $250 dolares americanu. Maibe se ita hare hosi prestasaun hosi jogador Timor Oan sub 19 nian ass liu jogador Brazilheiro nain hira ne. Sub 19 consegue lori Timor-Leste tama final taxa AFF, Ida ne’e tuir lolos sai ona hanesan lisaun ida ba Estrutura Executivo FFTL sira.

Hosi akontecimento ho kazu sira nebe mak acontece iha FFTL nia laran ne’e hatudu katak iha falhansu barak iha gestaun kona ba oinsa desenvolve futebola iha ita nian rai doben Timor-Leste, tan ne’e preciza nakloke a’an ba malu hodi tau hamutuk hanoin hodi hadia.

Mosu iha media nasional grupo nebe ita tenki considera hanesan Timor-Oan hotu nebe iha preokupasaun ba desenvolvimento futebola iha rai laran. Tamba futebola ne mai hosi comunidade estrutura hanesan makina nebe gere instituisaun nebe toma konta ba futebola iha nasaun ida. Neduni futebola ne’e laos grupu ida nian.

Nacional Community Football of Timor-Leste/NCFTL nebe mosu ho carta nebe sira hakerek ba Comissao Disiplina FIFA nian iha dia 2 de Desembro 2013 nebe hetan reposta iha dia 16 de Desembro 2013 hosi membro Comissao Disiplina FIFA ida naran Mike Edward servisu iha Zurich-Swiss. Ne’e tenki tau em konsiderasaun ba preokupasaun sira nebe ’e mai hosi ita nia rai laran rasik preokupasaun sira ne’e hanesan lalenok ida ba ita atu hadia a’an diak liu tan, labele hare preokupasaun sira ne’e hanesan inimigo boot ida tamba so ema seluk mak bele hare ita rasik labele hare ita nia a’an i nune preokupasaun ema nian ne mak halo ita atu lao diak liu tan iha future oin mai. Tan ne’e laiha argument ida forte para ita atu nega katak Mike Edward ne’e la tur estrutura Comissao Disiplina FIFA nian. Iha estrutura Comissao Disiplina FIFA nian Mike Edward hanesan Membro ida nebe representa hosi USA nian.

Preokupasauan sira ne’e mosu oinsa ita atu responde? Sera que ita atu taka a’an nafatin iha rai laran kona ba gestaun nebe ladiak hodi koalian ba public buat nebe diak deit maibe iha pratika ita lalo soke povo nebe hadomi no gosta i fanatic tebes desporto futebola ne’e? Se ita responde ho bosok maka bosok ne’e mos sei halo ita kontente loron, fulan ka tinan sorin deit, tamba lian bosok nebe ita fo’o sai sei hamonu ita iha loron ikus sei la hader para sempre.

Iha carta resposta nebe koalia kona ba kazu subornu nebe katak Presidente FFTL kalbuady simu $50 mil dolares americanu hosi Eis Presidente AFC iha tinan rua liu ba no korupsaun nebe acontece iha estrutura FFTL nia laran no fo ultimatum ba FFTL hodi estabelece Profisional Liga iha rai laran.

Atu diak liu mak oinsa ita rona no simu opiniaun hotu-hotu kona ba desenvolvimento futebola iha ita nian rain opiniaun ne’e mai hosi se deit mak hakarak desenvolvi futebola. Mas se hakarak kaer instituisaun FFTL tenki partisipa pro-ativu iha desenvolvimento futebola iha rai laran liu hosi assosiação distritais sira nebe iha ona hodi compete iha congress FFTL nian.

Opiniaun sira ne’e atu mai hosi individu se deit ka organisaun nebe deit. Executivo FFTL mak tenki nakloke a’an ho hanoin ida tenki simu hanoin hotu-hotu nebe mai hosi pecinta sepakbola iha rai laran. Atu nune bele iha komunikasaun ida diak ho components hotu-hotu laos uza meus osan mak domina ema nia hanoin maibe uza metode gestaun nebe diak mak loke ema hotu-hotu nia hanoin katak atu hetan sucessu nebe diak futebola tamba mai hosi gestaun ida diak no servisu hamutuk nebe lao iha komunikasaun ida diak iha estrutura FFTL nia laran tomak.

Liu hosi artigo ida ne’e ho acontecemento karta nebe NFCTL haruka ba Comissao Disiplina hodi hetan resposta hosi membro Comissao Disiplina FIFA Mike Edward nudar representante Estados Unidos Americanu EUA nian iha Zurich – Swiss neba.

Hakerek nain artigo ida ne’e, hanesan mos Sr. Presidente FFTL Francisco Kalbuady nia belun nebe uluk hamutuk ita hari’I FFTL hakarak fo’o hanoin balun hanesan kontribuisaun ba desenvolvimento desportu especialmente iha modalidade Futebola nian.

Koalia kona ba polemic karta nebe Executivo Estrutura FFTL konsidera hanesan surat kalen nebe haruka ba FIFA hosi organizasaun ida naran NFCTL hodi hamosu ideas kona ba forma Komisaun Normalizasaun ida ne’e hanesan evolusaun nebe tenki acontece duni iha procesu nebe lao tamba iha buat balun ke ita halo los iha buat mos ita halo la los. Lalaok sira sira mak provoka mos opiniaun hodi ajuda ita hadia diak liu tan iha future oin mai.

Tinan ida ne’e, tinan ida ita atu hahu desenvolve futebola rai laran hodi bele hetan fini jogador mai hosi Timor-Leste laran tomak. Tamba hosi ita nia estado RDTL liu hosi planu governu tinan ida mos tau osan ona hamutuk $1 miliaun dolares americanu. Ida hatudu katak ita atu hahu desenvolve ita futebola ho ita nia fundus rasik nebe mai hosi ita nian riku soin iha Tasi Timor.

Questaun orcamento ajudus nebe mai hosi organizasaun futebola mundu nian hanesan FIFA, AFC no nasaun sira nebe mak ajuda fotubola iha Timor-Leste durante ne’e responsabilidade Estrutura Executivo FFTL nian ba organizasaun nebe refere. Maibe orcamento $1 miliaun dolares americanu ne’e tenki lao ho planu nebe diak ho gestaun nebe diak atu nune bele produz fini jogador nebe diak iha future oin.

Planu nebe diak mak tuir hakerek nain nia sugestaun oinsa ho fundus nebe’e Estado Investe iha desporto especialmente ba FFTL hodi desenvolve futebola liu hosi estabelecimento koperasaun no kordenasaun entre Governu ho Sector Privado/Konsorsium sira mai hosi kompanhia lokal hahu deskuti ona, oinsa mak atu maneja Infrastrutura nebe iha hanesan estadio nasional nebe iha Dili no Estadio Baucau, Same Manufahi i nune mos Estadio Maliana liu hosi mekanismu ida ke bele fo’o receitas ba Estado.

Se infraestrutura iha Dili deit mak diak hodi bele fasilita tornament jogos nebe atu realiza preciza deskuti ona oinsa atu maneja infraestrutura nebe iha ho orcamento nebe estado aloka ba FFTL. Estrutura Executivo FFTL labele taka a’an demais no lao ho gestaun nebe hanesan. Preciza nakloke a’an, simu hanoin sira nebe mai komponentes hotu-hotu nebe hadomi futebola. Hodi nune bele kondisaun ida oinsa atu hahu organiza torneru ida ke nia efeitos ne sai hanesan motivasaun ba joventude sira gosta bola hodi prepara a’an didiak torneiru neduni no mos sai motivasaun ba empresario local sira hahu hanoin atu investe iha ekipa nebe mai hosi sira nia distrito rasik pro exemplo presidente assosiacao Distrito Baucau Loke konkursu ba FC BAUCAU, empresario local Baucaun oan nain hira mak hakarak sai nain ba FC Baucau? Nune mos iha Distrito seluk ka iha Kapital Dili nebe fahe rua.

Koalia kona ba Infra-estrutura Estadio Nasional nebe diak mak DILI nian. Oinsa atu maneja Estadio Nasional ida deit ne’e? Premeiro estabelece uluk komisaun ida nebe komposto hosi; Representante Assosiacao Desporto Distritais, Representante Governu/SJD no Representante FFTL.

FFTL prepara kondisoens hotu arbitrazen no aturamain nebe existe iha jogo nian laran. Nune mos FFTL prepara kondisaun ruma hodi suporta liu tan ekipa 14 nebe atu mai joga ih torneiro ne’e, hanesan kostum ba ekipa 14 ho koor rua kada ekipa hahu hosi faru, kamiza, meas, to sapatu.

Se torneiro ne’e halo “kompetisi Penuh” maka liu hosi kordenasaun entre FFTL ho Governu/SJD intrega ba komisaun nebe estabelece ona mak atu gere kampionato nebe halo ho osan estado nian nebe aloka ba FFTL.

Oinsa mak atu gere kompetisi penuh ne’e iha estadio nasional ida deit. Komisaun nebe estabelece mak sei intrega responsabilidade ba Assosiacao Distritais sira nebe lori ekipa mai joga ne’e mak sai hanesan uma nain ba Estadio Nasional wainhira sira joga hanesan tuan rumah. Hosi “kompetisi penuh” ne’e maka it abele hetan ona ekipa hira mak atu joga iha premeiro liga no ekipa hira mak joga iha kampionato ida nebe atu tama ba premeiro liga.

Se ekipa 14 signifika katak ekipa 7 tama murni tuir pontos nebe sira hetan iha torneiru kompetisi penuh ne, ekipa rua ba play off se mak manan tama ekipa 8 joga iha premeiro liga. Ekipa 7 nebe sai joga nafatin iha torneiro nebe hanesan no loke oportunidade ba klubu nebe mak mosu hakarak compete ba premeiro liga. Sigundo kampionato ne’e lao nafatin loke tan fatin ba klubu nebe sira atu partisipa mai hosi klubu 7 nebe joga iha ekipa 14 mak degradasi ba sigundo kampionato. Sigundo kampionato bele 14 nafatin tamba loke oportunidade ba klubu sira nebe uluk existe ona maibe tuir registo katak klubu ne’e prence kriteira ona hodi joga iha sigundo kampionato.

Hosi ekipa 14 nebe atu joga iha premeiro liga nebe tuir kalkulasaun orario se joga fim de semana deit por exemplo; Sexta, Sabado ho Domingo ka posibilidade joga hotu iha Quinta feira Loraik(jogo ida) ho Sigunda Feira Loraik(jogo ida) maka torneiro ne’e sei joga iha fulan 6 nia laran. Kalkulasaun orario ne’e bele utiliza ba ekipa 8 nebe joga premeiro liga.

Hanoin hira ne’e mos bele sain hanesan referensia ida ba ita hotu katak ho jestaun nebe diak iha komunikasaun nebe la kotuk entre ita sira hotu nebe hadomi futebola ho laran hakarak desenvolve futebola sai hanesan modalidade desporto nian ida nebe bele garante future ita nia oan sira nian. Tamba koalia futebola iha ita nian rain ita hatudu on aba mundo tomak katak iha rai doben ida ne’e it sei dauk ke didiak fini sira nebe mak namokari hela teritoria laran, iha esperansa boot ba ita atu domina futebola iha asiasudeste ne’e.

obrigado.

Tahek Bola!