FH SPORTIMOR

Radio, online - Opiniaun ne'e ninia kontiudu tomak responsavel husi hakerek nain no instituisaun. Redasaun fo pasu menu ne'e hodi ejerse ema no instituisoens nia hanoin no ideias konaba asuntu ruma ba prosesu dezenvolvimentu Timor-Leste.

Tuir hau nian hatene, jogador naturalisasi ne'e agora nação barak mak uiza. Maibe kriteria jogador naturalisasi ne'e laos hanesan FFTL halo ne'e.

Primeiro FFTL tenki halo kompetisi antar club iha railaran, depois clube sira nebe tuir kompetisi ne'e mak bele lori jogador asin(estrangeiro) mai joga hosi club ne'e.

See jogador ne'e joga diak no Timnas precisa dunu jogador ne'e mak foin bele halo naturalisasi, maibe tenki iha tempo naruk tinan 5. Laos hodi hosi brasil mai fulan ida deit hetan ona passaporte Timor Leste hodi ba joga ona...

Ne'e krime no kontra Konstituição RDTL...Tanba iha Timor oan barak mak hola feto mane ema estrangeiro, balu hola tinan 10 ga 15 ona maibe seidauk hetan passaporte Timor-Leste.

Ne'e tuir hau nian hare ne'e sala no Ministerio Justiça mos fo passaporte ba jogador sira ne'e kontra ona Konstituição da RDTL, ne'e krime.

Ita iha jovem barak ho talento futebolista ga jogador... Nusa mak ita la uja sira ??? Urgente ba FFTL tenki halo liga ga kompetisi iha 13 para bele hare talenta sira ne'e hodi bele hili ba Timnas.

Laos lori fali ema hosi liur mak mai joga...Lori tan jogador todan boot sira ne'e, parece iha Brasil sira laos jogador sira suku sapatu ga faan modo sira ne'e mak lori mai joga.

Hanesan Timor oan, hanesan olahragawaan liu-liu iha futebol, hau la konkorda ho sistema nebe mak FFTL halo dadauk ne'e. Timor oan jovem barak, nusa mak tenki lori hosi liur ???.

Ita joga iha liur ne'e hanesan Brasil vs Indonesia, laos Timor-Leste vs Indonesia, tanba jogador estranjeiro nain 9 Timor oan nain 2 deit. See FFTL la halo liga ga kompetisi, diak liu Timor-Leste lalika tuir evento sira iha liur.

Koalia dignidade, Timnas Timor-Leste laiha dignidade tanba lori brasil mai ba joga representa Timor-Leste. Ne'e moe boot ida mai Timor Leste moe boot ida ba jovem sira iha Timor-Leste. Lori tan treinador maufehuk ida mak mai ho jogador brasil nian maibe resultado aat boot los. Treinador hanesan Emerson Alkantara ne'e, hau fo treino liu nia.

Jogador Brasil sapateiro sira ne'e, jovem Timor oan barak joga diak liu sira. Precisa tempo barak naruk para prepara, laos treino fulan 2 ga 3 ba joga hasoru ema ke treino tinan 2 ga 3 ne'e ita manan hau lao luan tian iha kampo laran.

Tempo to’o ona para FFTL para ho buat sira hanesan ne'e, hare halo liga 13 distrito, halo kompetisi antar club para ita bele hare ita nian jovem sira ke iha talenta barak maibe FFTL la uja. Ne'e ladiak no hau la konkorda. Obrigado

Hakerek nain: João Mintha, hela iha bidau akadiruhun, ex Pemain, Wasit, Assiten Pelatih Bank Summa, pemilik Club Fc. São Paulo Dili tempo Indonesia, Manager Timnas Timor Leste 2003.

Foti husi: RLD - www.radioliberdadedili.com
Segunda, 16 Dezembru 2013