Kuarta, 29 Janeiru 2014
Lusofonia Games (Goa 2014): Samuel Santos foti Bronze Nelia Martins hetan Prestigio
AFAF/sporTimor
Jogu Lusofonia nebe hala’o iha Goa hatur India iha pozisaun numeru 1 no asumi lideransa ho konkista medalha 92, tuir kedas Portugal claim fatin konfortavel iha 2º lugar ho medalha 50.
Timor Leste iha evento ida ne'e okupa fatin ikuz liu ho total medalha ida (1), hetan husi modalidade atletismu Lançamento de Peso (Men's Shot Put).
Samuel Marcal dos Santos foti medalha BRONZE ida iha Lusofonia Games iha Goa (India) husi modalidade Men's Shot Put nebe ho rezultadu final lansamentu mak 5.32mts. Pontuasaun ho distansia do’ok husi numeru 1 no 2 nebe soma 12.32 no 9.77 pontus. Ho rezultadu ne'e, Samuel hetan direitu simu Medalha Bronze no konkista pessoal iha klasifiksaun 3º lugar ranking Men's Shot Put jogu Lusofonia ba edisaun ida ne'e nebe halo iha Goa India.
Para alende Bronze, Samuel Santos mos hetan rezultadu diak husi event wise performance 400m no 800m nian. Iha round prelms ka kualifikasaun Men 400m Samuel atinji ponteiru relojio 54.31 segundos, e ho rezultadu ne'e nia tur iha 5º lugar klasifiksaun. Iha round final ba 800m nian, Samuel hela iha 7º lugar ho oras 2mins:03.15sesc.
Iha atletismo feto nian, atleta timor oan Nelia Martins partisipa iha halai-taru 1500m no 5000m nian. Iha 1500m, Nelia duni malu ho Chitra, Nitisha husi Goa India no Felismina husi Angola (hare iha foto) maibe la konsege "istika" hodi hadau primeiro lugar, fatin nebe mak Chitra claim hafoin halai liu linha final, tuir angolana Felismina (2 º lugar) no 3º lugar Nitisha husi Goa India mak hetan.
Iha 1500m ne'e Nelia Martins consegue halai to'o final ho oras minutu 5:27.37, no okupa ho merito iha 4º lugar klasifikasaun.
Iha Women's 5000m nian, Nelia Martins mos la biban hakat liu Jayasri no Pooja husi India no Ernestina husi Angola. Nelia ramata nia halai ho oras minutu 20:34.44 e ho rezultadu ne'a nia hela posizaun 4º lugar.
Ho partisipasaun iha Lusofonia Games ne’e Timor Leste, dala ida tan, hatudu ba mundu maubere oan sira nia komitment “ita bele” iha kompetisaun ho karakter internasional.
Sira la foti medalha Osa-mean maibe lori medalha Bronze ida ba Timor Leste. Sira fila hikas ho orgulho, ho prestigio no honra a'as ba nasaun Timor Leste ba "feito historico" nebe sira hetan iha Goa, India.
Reforma FFTL, Asegura Kredibilidade Nasaun Timor-Leste.
Ba lider orgaun soberania Estado Timor-Leste atu tau atensaun seriu ba problema iha FFTL agora, hodi foti medidas imediatu tuir kompetensia ida-ida nian atu salva “patrimoniu publik” ne’e (FFTL).
Jogu Lusofonia nebe hala’o iha Goa hatur India iha pozisaun numeru 1 no asumi lideransa ho konkista medalha 92, tuir kedas Portugal claim fatin konfortavel iha 2º lugar ho medalha 50.
Rama Cristo - FaceBook 
Hakerek ba: