FIFA hasa'e Timor ba 189 lugar
Sinal diak ba selesaun tebe-bola Timor Leste, ho subida ligeira ne'e bele fo motivasaun extra ba jogadores sira atu hadiak liu tan sira
nia performance tanto iha nivel individual nomos iha nivel koletividade. Lia-menon ida mos ba Federasaun Nasional Futebol Timor Leste nian (FFTL) hodi hahu ona Liga
(mesmo amatir) iha Timor Leste, no fo atensaun ida ba Governu RDTL atu atrela investimentu iha futebol.
Minggu, 01/12/2013 Ranking FIFA Timor Leste Sa'e Pozisaun Hat
AFAF - fhsporTimor
Selesaun Nasional tebe-bola Timor Leste nian sa'e odan no fo hakat dala hat no tur iha "andar" numeru 189 ho pontus ruanulu resin neen (26 pontus) iha ranking nebe
FIFA divulga ohin (1/12/2013).
Ita nia "maun boot" iha CPLP Portugal mos haksoit ba 5.º lugar iha Colombianu sira nia okos.
Iha primeiru lugar Espanhol mak kontinua ukun iha tabela klasifikativa ho pontus 1507, tuir kedas Alemanha no Argentina.
Maski foin Ukun-an no sei iha hela mehi atu partisipa iha mundial, tebe-bola Timor Leste nian kontinua hatudu nia performance iha kampu internasional.
Iha zona ASEAN (ASIA) Timor nia jogador sira hatudu ona "jogo bonito" iha kampu laran, tan ne'e ekipa adversaria "dada is" kuandu atu joga ho "lafaek" oan sira.
Nunemos iha komunidade CPLP timor oan sira mos la tauk sadik malu dansa "koremetan" hasoru "fado" Portugal no "samba" Brasil.
Iha Ranking FIFA 2013 (1/12) ne'e, de facto, Selesaun Timor Leste soma pontus hanesan ho vizinho ASIA Brunei no besik Camboja no la do'ok liu ho povu-irmao CPLP
Guine-Bissau.
Relativa ba selesaun lusofonia, Portugal fo hakat dala sia hodi ocupa 5.º lugar, enkuantu Cabo Verde kontinua nafatin ho melhor persentajen iha pozisaun 39 ho 698
pontus.
Sinal diak ba selesaun tebe-bola Timor Leste, ho subida ligeira ne'e bele fo motivasaun extra ba jogadores sira atu hadiak liu tan sira nia performance tanto iha nivel
individual nomos iha nivel koletividade. Lia-menon ida mos ba Federasaun Nasional Futebol Timor Leste nian (FFTL) hodi hahu ona Liga (mesmo amatir) iha Timor Leste, no
fo atensaun ida ba Governu RDTL atu atrela investimentu iha futebol.
FIFA hasa'e Timor ba 189 lugar 
Rama
Cristo - FaceBook 
Hakerek ba: